Bizkaiko herriek oso gutxi bidali zuten birziklatzera 2016an ere

Hasi gara jasotzen Bizkaiko herrien 2016ko hondakin bilketen datuak, eta zoritxarrez aurreko urteetako emaitza eskasak ari dira errepikatzen.

2017an gaude, eta Bizkaiko herrietako hondakinen banaketa datuek aurreko mendekoak ematen dute. Sailkatuta hondakinen %30 baino gehiago jasotzen duten herriak salbuespena dira, eta herri askotako sailkapen tasa %20an dago. Datu kezkagarriak dira.

Beste behin ere, hauxe esan beharra daukagu: 2016an Bizkaian sortutako hondakin gehienak erre eta zabortegira bota ziren. Eta hondakin horietako gehienak birziklagarriak eta konpostagarriak ziren.

Herrietako bilketa sistemak aldatu beharra dago. Erabaki politiko zentzudunak hartu beharra dago ahalik eta arinen. Ezin dugu jarraitu Bizkaiko zabortegiak betetzen. Errekurtso naturalak ahalik eta hobetoen aprobetxatu behar ditugu.

Zorionez, Bizkaiko herri eta eskualde batzuetatik berri onak jasotzen ari gara. Lea-Artibai eskualdean txipdun edukiontziak jarriko dituzte, hondakin organikoa eta erreusa jasotzeko. Sistema horrek emaitza onak eman ditu Euskal Herriko herri askotan. Gainera, Bizkaiko herri askotan konpost komunitarioa edo indibiduala ari dira bultzatzen. Edota atari aurrean hondakinak sailkatuta jasotzen. Esperientzia eredugarri horiek babestu eta lagundu egin behar dira, eta Bizkai osora zabaldu epe ertain batean. Euskal Herriko eta munduko toki askotan lortu dute hondakinak murriztu eta bilketa selektiboa handitzea. Besteek ahal badute, bizkaitarrok ere ahal dugu. Borondate kontua da.

Kategoriak Bizkaia | Erantzunak desaktibatuta daude Bizkaiko herriek oso gutxi bidali zuten birziklatzera 2016an ere sarreran

7/2008 foru arauak zer dio? Errauste plantari eusteko baleko argudioa al da?

Donostiako 1. Administrazio Auzietarako Epaitegiak ebatzi du ez zela legezkoa izan Gipuzkoako Hondakinen Kudeaketak Zubietako errauste planta eraiki behar zuten enpresekin eginiko akordioa, eta baliorik gabe utzi du .

7/2008 foru araua errausketaren aldeko erabaki bat emateko aitzaki izan da. Epaitegietako erabakia interpretagarria denean, errausketazaleen alde apustu egitea komeni dela ikasia dugu honez gero. Labur bada ere, epaia oinarritzen omen den 7/2008 foru arauaren bestelako interpretazio bat egin nahi dugu.

Jarraitu irakurtzen

Kategoriak Adierazpena, Erraustegia, GFA - Gipuzkoako Foru Aldundia, GHK, Gipuzkoa, Iritzia, ZZ berriak | Erantzunak desaktibatuta daude 7/2008 foru arauak zer dio? Errauste plantari eusteko baleko argudioa al da? sarreran

Downcycling edo beheziklapena. Zatiki birziklaezinarentzako behin behineko irtenbidea?

Zer da downcycling edo beheziklapena?

Downcyclinga, emaitzatzat hasierakoa baino kalitate eskasagoa duen material birziklatua lortzeko tratamenduari deritzo. Kalitate galera hori hainbat arrazoiren ondorio izan daiteke: materialak nahastuta egotea, materialaren barne egitura (zuntzak…) erabilpenarekin kaltetzen joatearen ondorioz propietateak eskastea, hondakinak jatorrizko erabilpenera beharrean bestelako erabilpenetara zuzentzea, adibidez,  hiri altzariak egitea, arte lanak egitea, zapaten zolarekin errepideak asfaltatzea, e.a.

Plastiko hondakinekin etxe bat eraikitzen. Beheziklapenaren adibide bat.

Zein da ekonomia zirkular/zero zabor eredu batean material hauekin egin beharko litzatekeena?

Jarraitu irakurtzen

Kategoriak Downcycling/Behezziklapena, Ikerketa eta garapena, Tratamendua, Uncategorized, ZZ berriak | Erantzunak desaktibatuta daude Downcycling edo beheziklapena. Zatiki birziklaezinarentzako behin behineko irtenbidea? sarreran

GURASOSek proposatzen duen bide orria eskematikoki

(Gurasos-en blogetik hartua)

GURASOSek hondakinen gaiaren inguruan ADOSTASUNA lortzeko helburuarekin, datorren larunbatean (abenduaren 17an) merienda-bilkura antolatu du Donostiako Gipuzkoa plazan, eta familia zein herritarrak gonbidatzen ditu bertara etor daitezen: «Gurasoak gara, eta guraso bezala, «pelmak» gara. Eta gure alaba eta semeengatik ez dugu etsiko. Guretzat beraiek dira garrantzitsuena, beraiek dira etorkizuna. Adostasunaren bidean sinesten dugu, eta horregatik proposatu dugu gaiari irtenbidea emateko bide orria, eta beste behin hautu horren aldeko aldarrikapena egingo dugu datorren larunbatean. Akordio bat lortzeko oraindik garaiz gaudela esateko joango gara, informazio gehiago, eztabaida gehiago eta adostasuna nahi ditugula esateko joango gara. Guztiok merezi dugulako. Gipuzkoak merezi duelako. Bat egin dezagun guztiok giro alaian!».

 

 

 

Kategoriak Uncategorized | Erantzunak desaktibatuta daude GURASOSek proposatzen duen bide orria eskematikoki sarreran

GURASOSek adostasunaren aldeko merienda-bilkura antolatu du abenduaren 17an

 

 

(Gurasos-en blogetik hartua)

Merienda-bilkura abenduaren 17an, larunbatean, egingo da Donostiako Gipuzkoa Plazan arratsaldeko 18:00etan. Haurrentzako jolasak egongo dira, musika, gaztaina erreak eta GURASOSen gabon txartelak banatuko ditugu bertan. Zatozte! Ekinbide juridiko berrien inguruan sortu diren nobedadeen berri ere emango dugu arratsalde horretan.

Kategoriak Uncategorized | Erantzunak desaktibatuta daude GURASOSek adostasunaren aldeko merienda-bilkura antolatu du abenduaren 17an sarreran

GURASOSek hondakinen aferari irtenbidea emateko bide-orria aurkeztu du

GURASOSek hondakinen aferari irtenbidea emateko 8 puntuko  bide-orria aurkeztu du, hondakinen arazoa konpondu eta gai hau liskarraren eremutik atera behar dela uste baitu. Proposamen honetan arduradun politiko, aditu eta herritarren parte-hartzea aurreikusten da.

(Gurasos-en blogetik hartua)

Jarraitu irakurtzen

Kategoriak Adierazpena, Errausketa, Erraustegia, GFA - Gipuzkoako Foru Aldundia, Gipuzkoa, Gurasos, Parte hartze prozesua, ZZ berriak | Erantzunak desaktibatuta daude GURASOSek hondakinen aferari irtenbidea emateko bide-orria aurkeztu du sarreran